DAR ES SALAAM: Mwimbaji mahiri wa muziki wa Taarabu nchini ambaye pia ni mkurugenzi wa kundi la Jahazi Modern Taarabu Alhaj Mzee Yussuf amefiwa na mke wake wa pili (Chiku).

Chiku amefariki jioni ya Jana katika hospitali ya Amana, Ilala jijini Dar es Salaam alipokuwa amepelekwa kujifungua.

Mzee Yussuf ameiambia Saluti5 kuwa alimpeleka mkewe hapo Amana jana saa 10 alasiri kwaajili ya kujifungua na kwa bahati mbaya opereshini (upasuaji) iliyofanywa jioni, haikwenda salama na ikampoteza mkewe na mtoto aliyezaliwa.