Mshambuliaji wa kimataifa wa timu ya taifa ya Tanzania Mbwana Ali Samatta ambaye aliyepachika kimiani mabao 23 msimu uliopita na kuisaidia kuitia nguvu timu yake ya Genk iliyoko katika maeneo ya machimbo ya makaa ya mawe katika eneo linalozungumza kidachi kaskazini mwa Ubelgiji, kuchukua Ubingwa Na kufuzu kucheza UEFA Champions League leo timu yake hiyo inapambana na mabingwa watetezi Liverpool na imeamsha hamasa ya kumuona mshambuliaji huyo wa timu ya taifa ya Tanzania akiwa uwanjani.

Samatta ataandika historia ya kuwa mtanzania wa kwanza kucheza na Mabingwa wa UEFA club ya Liverpool

Michezo ya jana ni pamoja na Atletico Madrid ilishinda 1 - 0 dhidi ya Bayer Leverkusen ya Ujerumani. Manchester City ilishinda 5-1 dhidi ya Atalanta Bergano ya Italia, Real Madrid ilisaka ushindi wake wa kwanza katika champions League msimu huu 1 - 0 dhidi ya Galatasaray ya Uturuki.

Bayern Munich iliyoirarua Tottenham Hot Spur ya Uingereza kwa mabao 7-2 katika mchezo wa duru ya pili, inajiwinda kupata ushindi mwingine mnono dhidi ya Olympiakos ya Ugiriki. Tottenham inapambana na Red Star Belgrade.