Kiungo machachari wa Simba, Mnyarwanda, Haruna Niyonzima amesema kuwa watahakikisha wanafanya kila liwezekanalo ili kuondoka na alama tatu kwenye mchezo wao wa Ligi Kuu Bara dhidi ya Stand United

Niyonzima ameyasema hayo baada ya kuishuhudia timu yake ikitoka sare ya kufungana mabao 2-2 na Mbao FC katika mchezo wa ligi hiyo Alhamisi wiki iliyopita kwenye Uwanja wa CCM Kirumba, Mwanza.

Akizungumzia mchezo wa Jumapili hii dhidi ya Stand United kwenye Uwanja wa Kambarage, Shinyanga, Niyonzima alisema, sare yao dhidi ya Mbao ilikuwa imepangwa hivyo hakukua na jinsi zaidi ya kilichotokea

Pia Niyonzima alisema sare hiyo ilikuwa imepangwa hata kama ukileta wachezaji au makocha kutoka nje,kama mungu kapanga sare itakuwa hivyo tu hakuna jinsi

“Hata kama ukimleta Zidane au nani, kama Mungu ameandika droo inakuwa droo, timu yetu ni nzuri na tuliweza kufunga mabao mawili lakini tulishindwa kuyalinda japo tulitengeneza nafasi nyingi.

“Watu wanatakiwa kukumbuka kuwa, tupo ugenini japo tunafahamu tulitakiwa kushinda lakini hata kuipata hii pointi moja si mbaya,” alisema Niyonzima

Niyonzima ambaye alikuwa majeruhi alikosa mchezo wao dhidi ya mwadui katika uwanja wa uhuru ambapo timu yake ilishinda 3-0,na kurejea mchezo dhidi ya Mbao,kwa sasa yuko fiti asilimia zote kuanza mchezo dhidi ya Stand United

Simba itasafiri kwenda shinyanga kukipiga na stand united siku ya jumapili katika dimba la kambarage Shinyanga,wakati ikiwa na kumbukumbu ya kutoa sare mchezo uliopita dhidi ya Mbao fc ya mkoani mwanza