ITALIA: Taarifa za kuaminika kutoka kwa mwanshi mmjoa wa Michezo nchini Italia Luigi Guelpa ameripoti kuwa Kocha wa club ya Manchester City, Pep Guardiola, amefikia makubaliano na uongozi wa klabu ya Juventus kwa ajili ya kuifundisha timu hiyo kwa mkataba wa miaka minne.

Inadaiwa kwamba, kocha wa Juventus, Massimiliano Allegri, anatarajia kuondoka mara baada ya kumalizika kwa msimu huu ili kwenda kutafuta changamoto sehemu nyingine,

Guelpa amesema kuwa habari hizo ni za uhakika kwa kuwa amezipata kwa chanzo cha habari ambacho kilimpa taarifa juu ya Cristiano Ronaldo kutaka kuondoka Real Madrid na kujiunga na Juventus.

“Nimepata habari za uhakika kwamba Guardiola amefikia makubaliano na Juventus kwa ajili ya kuitumikia timu hiyo kwa mkataba wa miaka minne ijayo, taarifa hiyo nimeipata kwa mtu ambaye aliniambia kwamba Ronaldo anakwenda kujiunga na Juventus,” alisema mwandishi huyo.

Guardiola ambaye mkataba wake unatarajia kumalizika mwishoni mwa msimu wa 2021, ameweka historia ya kutwaa Ligi Kuu nchini Hispania, Ujerumani na England, hivyo kuna uwezekano wa kwenda Italia kwa ajili ya kuendeleza historia yake.