Real Madrid inataka kumnunua kipa wa Manchester United Muhispania David de Gea, 28, kufuatia kurejea kwa Zinedine Zidane kwenye klabu hiyo ya nchini Hispania.

Zidane anasema hakuna uamuzi uliochukuliwa juu ya hatma ya siku za usoni za kipa wa sasa wa club hiyo Mbelgiji Thibaut Courtois katika klabu hiyo.

Courtois mwenye umri wa miaka 26 ambaye alisaini mkataba na klabu hiyo baada ya Zidane kuondoka mwezi Mei 2018, aliondolewa kwenye mechi ya kwanza tu baada ya Zidane kurejea.

pia Real wamepanga kumuuza mchezaji wa safu ya mashambulizi kutoka Wales Gareth Bale, mwenye umri wa miaka 29, kwa Chelsea kama sehemu ya mpango wa kubadilishana mchezaji wa Ubelgiji Eden Hazard, mwenye umri wa miaka 28 anayecheza safu ya kati.