Mchezaji wa Monaco ya Ufaransa Kylia Mbappe, ameripotiwa kukamilisha vipimo vya afya tayari kujiunga na Paris Saint German kwa mkopo

Kutokana na pesa ya usajili wa mchezaji huyo na umri wake kisheria PSG inawabana hivyo watalazimika kumchukua kwa mkopo na kusubilia mwakani ili waweze kumnunua rasmi kwa dau la £166million

Taarifa kutoka katika kituo cha Televison cha TF1, nchini Ufaransa zinasema Mbappe amefanyiwa vipimo vya afya katika jiji la Clairefontaine, ambako timu yake ya Taifa ya Ufaransa inafanya mazoezi kwa ajili ya mechi za kimataifa

PSG sasa inaweka rikodi ya kusajili wachezaji ghari wawili akiwemo Neymar aliyesajiliwa kwa ada ya uhamisho £199m huku £166m ikiwa ni ada ya kukamilisha usajili wa Mbappe,hata hivyo ada ya mchezaji huyo haitolipwa mpaka msimu ujao kufuatiwa sheria za chama cha soka ulaya UEFA