Sydney: Kiungo wa Club ya Arsenal Mesut Ozil amesema yupo tayari kubaki kunako club ya Arsenal lakini kwa sharti la kulipwa £350,000 kwa Juma,Ozil bado hajasaini mkataba mpya na Arsenal, ambapo amebakiza mwaka mmoja kuisha kwa mkataba huo,, lakini amekiri kuwa yupo tayari kuendelea kuitumikia Arsenal.

Kiungo huyo wa Ujerumani mwenye umri wa miaka 28 anaingia miezi 12 ya mwisho ya mkataba wake Emirates na amekuwa kwenye mazungumzo na klabu hiyo kuhusu mkataba mpya.

Mazungumzo ya awali Gunners wamempa ofa ya £250,000 kwa wiki Mjerumani huyo ili abaki, awali alikuwa akilipwa £140,000 - lakini alikuwa akitaka kulipwa £350,000.

Alipoulizwa swali na waandishi wa habari akiwa ziarani Australia ambapo timu hiyo inajiandaa na msimu mpya, Ozil alieleza kuwa bado hajasaini mkataba mpya lakini lengo lake ni kubaki Emirates.

"Ni nia yangu hasa kubaki," alisema, kwa mujibu wa Routes. " Arsenal Ni klabu kubwa na daima nimekuwa nikifurahia kuwa Arsenal. Tutakapokuwa tumerudi London tutazungumzia mustakabali.

"Kwa sasa jambo la msingi ni maandalizi ya msimu katika ziara hii, kufanya mazoezi na kuwa tayari kwa kazi. Nitakaporudi London, tutakaa chini na tutajadili."