HISPANIA: Vigogo wa soka wa Hispania klabu ya Barcelona, wameibuka kidedea katika mchezo wa El Clasico, kwa kuichapa Real Madrid kwa mabao 3-2.

ambapo Madrid ilikuwa yakwanza kupata bao kupitia kiungo wa kibrazili Carlos Henrique Casemiro, alifunga goli la kuongoza la Real Madrid kunako dakika ya 23' ambapo badae kwenye dakika ya 33' mchawi wa klabu hiyo Lionel Messi,akawasawazishia Barcelona.

Kiungo wa Barcelona Ivan Rakitic akaifungia Barca, goli la pili katika dakika ya 73 ya mchezo kabla ya mshambuliaji James Rodriguez wa Real Madrid, kuchomoa goli katika dakika ya 86.

Katika dakika ya 93 za nyongeza zikiwa zimebaki sekunde 32 mpira kumalizika Lapurga Lionel Messi, aliifungia timu yake bao la ushindi na hivyo timu yake inarejea kilele mwa ligi wakiwa na alama 75 huku madrid wakiwa katika nafasi ya pili kwa alama 75, wakitofautiana idadi ya magoli na Real wakiwa na mchezo mmoja mkononi.

Madrid walicheza pungufu katika mchezo huu baada ya beki wake kisiki Sergio Ramos, kupewa kadi nyekundu.