Dodoma: Spika wa Bunge la Tanzania JOB NDUGAI amesema mbunge wa Kigoma Mjini Zitto Kabwe amekuwa akimpa tabu sana kwa kuzungumza mambo mengi kinyume na taratibu za kibunge na wakati mwingine kuvuka mipaka yake.

Spika NDUGAI amesema pamoja na yote amekuwa akimvumilia kwa sababu ni Mbunge ambaye chama chake kina mwakilishi mmoja pekee bungeni ambaye ni yeye mwenyewe (Zitto) hivyo wakati mwingine hutumia busara kumuepusha na adhabu za mara kwa mara.

Spika Ndugai amezugumza hayo jijini Dar es Salaam katika ofisi ndogo za Bunge alipokutana na Spika wa Bunge la Kenya kujadili masuala mbalimbali yahusuyo Chama cha Mabunge ya Jumuiya ya Madola Kanda ya Afrika CPA.