Dar es salaam: Mkuu wa Mkoa wa Dar es salaa, Paul Makonda ameoneshwa kukerwa namna ambavyo watu wa mjini wanavyoongoza kwa kupigana majungu na fitna badala ya kuwaza vitu vya kimaendeleo na kusema kuwa watu wengi wanarogana wenyewe kwa wenyewe.

Paul Makonda ametoa kauli hiyo jana Usiku Jijin Dar es salaam katika hafla Msemaji wa Klabu ya Soka ya Simba Haji Manara aliyokuwa anazindua Perfume yake iliyofanyika katika ukumbi wa Serena Hotel Jijini Dar es salaam.

"Afrika kwa miaka mingi ina laana ya umasikini na imepokelewa kwa muda mrefu na sisi tumepokea laana hii na ukitaka kujijua una laana ni pale unanuna mwenzako akiwa amefanikiwa." alisema Makonda

"Sisi ndiyo tunaongoza kurogana wenyewe kwa wenyewe, ila kwa mjini uchawi ni majungu fitina na chuki ili mtu akwame", ameongeza Makonda.

Makonda ameendelea kusema kuwa, "kuna watu tumewakuta kazi yao kusema amekuja hapa hajui kuvaa, je wewe uliyekuwepo umefanya nini? kuna watu wako mjini kwa maneno tu hatuwezi kupiga hatua kwa kupigana majungu."