Dar es Salaam. Kiongozi Mkuu wa Chama cha ACT-Wazalendo nchini Tanzania, Zitto Kabwe amechukua fomu kutetea nafasi yake ndani ya chama hicho kugombea nafasinya Mkuu wa Chama.

Zitto ambaye pia ni mbunge wa Kigoma Mjini amechukua fomu leo Jumanne Februari 18, 2020 muda mfupi baada ya kutoka katika Mahakama ya Hakimu Mkazi Kisutu kusikiliza kesi ya uchochezi inayo Mkabili ambapo Mahakama Imemkuta Zitto Kabwe na Kesi ya Kujibu.

Akizungumza baada ya kuchukua fomu, Zitto amesema ameamua kutetea nafasi hiyo kwa awamu ya pili baada ya kushauriana na watu mbalimbali ikiwemo familia yake.

“Nimechukua tena fomu ya kugombea uongozi wa chama katika uchaguzi utakaofanyika katika mkutano wa chama utakaoanza Machi 14 hadi 16, 2020.”

“Mimi nimeshatumikia muhula mmoja na kwa mujibu wa Katiba yetu mihula ni miwili, kwa hiyo naomba muhula huu wa pili na wa mwisho kwa mujibu wa katiba ya ACT-Wazalendo,” amesema Zitto.

Amewataka wanachama wengine kujitosa kuwania nafasi mbalimbali kwa kuwa hakuna nafasi ya mtu ndani ya chama hich

Zitto ambaye ni mmoja wa Waanzilishi wa Chama hicho ambacho kwa Sasa kinashika nafasi ya Tatu kwa Ukubwa kwa Kuzungumzwa sana kwenye Midomo ya watu hasa mijini na Visiwani Zanzibar.