Wizara ya Afya visiwani Zanzibar imetangaza ongezeko la wagonjwa wapya 7 wenye virusi vya Corona (Covid-19) na kufanya idadi ya wagonjwa visiwani humo kufikia 105 kutoka 94 tangu ilipotangazwa Aprili 24, Mwaka huu.

Akitoa taarifa Waziri wa Afya Visiwani Zanzibar Rashid Hamad Rashid amesema katika wangojwa waliokuwa wanapatiwa matibabu, Wagonjwa 36 wameruhusiwa kwenda nyumbani baada ya kutoonesha dalili za maradhi ya Covid-19.

Licha ya Wagonjwa hao kupona lakini Wizara imewataka na Kuwashauri Wagonjwa hao 36 kuendelea kusalia majumbani kwao kwa siku 14 huku wakiwa wanafuatiliwa na Wataalam wa Wizara ya Afya.