Dar es Salaam. Mtandao wa kijamii wa Youtube umeufuta kwa muda Wimbo wa 'UNO' wa msanii wa BongoFleva, Rajab Abdul maarufu Harmonize baada ya Mtayarishaji wa muziki kutoka nchini Kenya Magix Enga kuwaandikia Barua Kampuni ya YOUTUBE juu ya madai ya mdondo uliotumika katika wimbo huo kuwa ni wake.

Novemba 17, 2019 Enga alimuomba Harmonize kuufuta wimbo huo katika mtandao huo na kumpa wiki moja na kuahidi kuwa asipofanya hivyo, atachukua jukumu hilo mwenyewe. Enga amesema mdundo wa wimbo huo umefanana na wimbo wa Dundaing alioutengeza.

MuakilishiTZ Tulimtafuta Harmonize kupitia simu yake ya mkononi kwenye namba inayoishia na .....833 na alitujibu kuwa hawezi kuzungumzia swala hilo kwasasa "labda mnaweza mkawauliza Management yangu" alijibu kupitia ujumbe mfupi wa Maandishi

Katika ukurasa wa Instagram wa moja ya meneja wa Harmonize Sebastian Ndege maarufu kama Jembe ni Jembe ameeleza kinachoendelea "Tumepata Taarifa kutoka Youtube Kwamba,mtu mmoja ambae Inasemekana Kutoka Nchi jiraninya Kenya,Ametuma Barua pepe kudai umililiki wa wimbo wetu Pendwa #UNO.
Aidha kwa taratibu zao YouTube Ni Lazima wauweka Private wakati wakiendelea na taratibu za Kujirdhisha juu ya madai hayo.
Kama Menagement ya @harmonize_tz Tayari tumesha waelekeza Wataalam wetu wa kisheria kufuatilia jambo hili
Kwa kina." amesema Jembe

"Tunachukua Nafasi hii Kuwaomba Mashabiki wetu na wapenzi wa Harmonize,Kuwa Watulivu Wakati jambo hili linashughulikiwa. Aidha Tunaimani Wimbo wetu Utarudi baada ya muda sio mrefu.Tunawashukuru kwa sapoti yenu.Mungu Awabariki.Asanten sana.
BY HARMONIZE MANAGEMENT #AfroEast #UNO"