Waziri wa Habari Sanaa Utamaduni na Michezo, Dkt Harrison Mwakyembe amelielekeza Baraza la Sanaa la Taifa la Tanzania (BASATA) lishirikiane na Jeshi la Polisi nchini kumchukulia hatua Msanii Dudu Baya maarufu kama KONKI MASTA kwa kitendo chake cha kumdhihaki Marehemu Ruge Mutahaba aliyefariki Dunia Jana nchini Afrika Kusini alikokuwa kipatiwa matibabu.

Dudu baya amekuwa akitumia mitandao yake ya Kijamii kupaza sauti juu ya kile anachokidai kuwa Mkurugezi huyo wa Clouds Media amekuwa akiwadhulumu na kuwaibia wasanii wengi nchini kupitia nguvu aliyonayo katika kiwanda cha muziki nchini.