Dar es salaam: Waziri wa Ujenzi, Uchukuzi na Mawasiliano Mhandisi Isack Kamwele ameagiza wahitimu wote 196 waliohitimu leo katika Chuo cha Bandari wapatiwe ajira moja kwa moja serikalini kwa sababu hata yeye wakati anahitimu alipata ajira moja kwa moja bila kuwekwa matangazo ya kazi.

Kauli hiyo ameitoa leo Januari 25,2019 katika mahafali ya Chuo Cha Bandari Dar es Salaam, akiwa mgeni rasmi na kumwagiza Katibu Mkuu wa Wizara hiyo, Mwenyekiti wa Bodi ya Bandari nchi na Mkurugenzi Mkuu wa Mamlaka ya Bandari (TPA) kuwapa ajira vijana hao waliohitimu.

Amesema ametoa maagizo hayo kwa sababu nafasi za ajira serikalini zipo zaidi ya 200 na vibali walishapatiwa na kama kuna taratibu za kisheria atawasiliana na Waziri wa Utawala Bora na utumishi, lakini waajiriwe.