WATU sita wamenusurika kifo kufuatia ndege ndogo iliyokuwa ikitoka wilayani Mafia ,mkoani Pwani kuelekea Jijini Dar es Salaam kuanguka na kuteketea kwa moto.

Kwa mujibu wa taarifa za awali zilizotolewa na Kamanda wa Polisi wa Kanda Maalumu ya Rufiji ,Onesmo Lyanga zinasema hadi sasa hakuna kifo kilichoripotiwa,zaidi ya watu sita kujeruhiwa.

Lyanga alisema kuwa ndege hiyo ilikuwa ikitoka Mafia kwenda uwanja wa ndege wa Mwalimu Nyerere.

“Ndege hiyo ndogo ilianguka ilipokuwa ikitaka kuruka na kurudi chini na kudababisha majeruhi hao ambapo hadi sasa hakuna ripoti ya mtu yoyote aliyefariki dunia,” alifafanua Lyanga.

Kamanda Lyanga amesema abiria wote waliweza kutoka kabla ya ndege hiyo kuwaka moto na kuteketeza mali zilizokuwa kwenye ndege hiyo. “Mali zote ambazo zilikuwa kwenye ndege hiyo ambazo thamani yake bado haijajulikana zimeteketea pamoja na ndege yenyewe imeungua sehemu kubwa,” amesema kamanda huyo

Pia alieleza bado jeshi la polisi wako katika eneo la tukio ambapo kukagua na kufuatilia ajali hiyo na taarifa zaidi zitatolewa