Taarifa kutoka Mkoani Kagera ni kwamba Watu wanne kutoka kwenye familia moja wamefariki dunia na mtoto mmoja amenusurika kifo baada ya nyumba waliyokua wakiishi kuteketea kwa Moto katika Kata ya Kabanga Wilayani Ngara Mkoani Kagera.

Ripoti kutoka wilani hapo ni kwamba ajali hiyo imetokea Leo Juni 26 na mashuhuda wa ajali hiyo wanadai wanasema kuwa wakoaji wawili walifanikiwa kubomoa sehemu ya ukuta na wengine wakitumia mawe na miti lakini jithida zao hazikufua dafu kwani waliwakuta mama na mtoto mmoja tayari wameshaanguka chini.

kamanda wa Jeshi la polisi Mkoani Kagera Naibu Kamishna Revocatus Malimi amewataja watu waliopoteza Maisha katika Ajali hiyo ya Moto kuwa ni Abubakary Ramadhan Sudi(41) ambaye ni Baba Mwenye nyumba aliekua anafanya kazi ya udereva.

Aliwataja wengine kuwa ni mtoto Wa Marehemu mwenye miaka minne Zamrat Abubakary, Mwingine ni Maryam Abubakari, mwenye Miaka 7 na ni mwanafunzi wa darasa la kwanza.

Wa mwisho ni Mama mwenye nyumba aitwaye Suzy Abubakari mwenye miaka 36 ambaye amefariki akiwa anapewa matibabu hospitalini. Watu hao wote, wamezikwa leo huko Kabanga Ngara