Watu watatu wakiwa na gari Moja wanasadikika kupoteza maisha na wengine wawili kujeruhiwa hii ni baada ya kufunikwa na kifusi cha udongo ulioporomoka katika machimbo ya moramu ya moshono nje kidogo ya Jiji la Arusha leo Aprili 23.

Kufuatia tukio hilo, kamati ya usalama ya mkoa wa Arusha imefika katika eneo hilo ikiongozwa na Kamanda Jonathan Shana ambapo shughuli za uokoaji zinaendelea ikiwemo kuondosha kifusi cha udongo uliowafukia watu hao watatu pamoja na gari walilokuwa wakilipakia moramu.

Historia inaonesha tukio kama hilo lilishawahi kutokea katika machimbo hayo miaka sita iliyo pita na kusababisha zaidi ya watu kumi kupoteza maisha na sasa kwa mara nyingine tena janga hilo linajirudia katika mazingira ambayo yanafanana.

Nae Mbunge wa Arusha Mjini Godbless Lema aliwasili katika eneo hilo la machimbo na kushuhudia hatua ya uwokoaji "Nimefika ktk machimbo ya moramu,natoa pole kwa familia zilizofikwa na msiba huu,ni rai yangu tena Serikali ifuatailie ushauri uliotolewa mwaka 2013 hapa Arusha na Waziri Mkuu msataafu Mizengo Pinda,mwaka 2013 ambapo watu zaidi ya 12 walifariki na leo tena tumepoteza watu wengine" alisema Lema