Uingereza imewafutia uraia wanawake wengine wawili waliojiunga na Kundi la Dola la Kiislamu IS nchini Syria, na kuibua maswali juu ya hatma ya watoto wao.

Kuondolewa kwa uraia kunafuatia uamuzi kama huo uliochukuliwa dhidi ya msichana wa Uingereza Shamima Begun ambaye alifiwa na mtoto wake mchanga katika kambi ya wakimbizi ya Syria wiki iliyopita.

Reena Iqbal mwenye miaka 30 na mdogo wake anayeitwa Zara waliondoka London kuelekea Syria mwaka 2013 na katika kipindi hicho chote wamepata watoto watano walio chini ya miaka nane, kwa mujibu wa gezeti la Times toleo la Jumapili. Shamima Begun aliomba kurejea nchini Uingereza pamoja na mtoto wake baada ya watoto wake wawili kufariki chini ya utawala wa IS, lakini waziri wa mambo ya ndani Sajid Javid alimfutia uraia wake kutokana na hofu za kiusalama.