GEITA: Kaimu katibu wa Umoja wa Wanawake Tanzania(UWT) wilaya ya Geita Angel Simwanza amewahimiza wanawake kujitokeza kwa wingi katika kujiandikisha katika daftari la wapiga kura.

Hilo amesema liende sambamba na kuhamasisha waume zao ill nao washiriki zoezi hilo.

Akitoa maelekezo ya uchaguzi kwa wanachama wa Chama Cha Mapinduzi (CCM)hususan wanawake Angel amesema uchaguzi ni mikakati, mipango na hesabu.

"Akina mama tusitoke peke yetu,tutumie nafasi yetu kama wanawake kuhamasisha waume zetu wakajiandikishe kwenye daftari na muda ukifika tuwahamasishe pia kupiga kura, hii ndio kazi tuliyonayo akina mama,"alisema Angel.

Amewataka vijana pia kutobaki nyuma bali wahakikishe wanashiriki uchaguzi huo.