Dar es salaam: Wabunge wa UKAWA leo wamesusia kushiriki tukio la kuapishwa kwa wabunge 7 wa viti maalum wa CUF kuonesha kutokukubaliana na uhalali wao.

Wakati huo huo wabunge hao wakitoka ndani ya ukumbi wa Bunge, wapo wabunge waliobaki kushuhudia ambao ni wabunge wa CUF, Magdalena Sakaya (Kaliua), Maftah Nachuma (Mtwara Mjini) na Maulid Mtulia (Kinondoni).

Nao wafuasi wa CUF walifika asubuhi katika viwanja vya Bunge kushuhudia kuapishwa kwa wabunge hao walioteuliwa hivi karibuni na Tume ya Taifa ya Uchaguzi (Nec).

Wafuasi hao waliambatana na Mbunge wa Bunge la Afrika Mashariki, Habib Mnyaa walifika wakiwa kwenye magari matatu aina ya Toyota Coaster na mengine madogo yaliyokuwa yamebandikwa picha za Mwenyekiti wa CUF, Profesa Ibrahim Lipumba, anayetambuliwa na Ofisi ya Msajili wa Vyama vya Siasa.

Wabunge wa Viti Maalumu waliapishwa leo ni Alfredina Kaigi, Kiza Mayeye, Nuru Bafadhili, Rukia Kassim, Shamsia Mtamba, Sonia Magogo na Zainab Amir.