Morogoro: Wabunge wawili wa Chama cha Demokrasia na Maendeleo Chadema, Peter Lijualikali wa Kilombero na Susan Kiwanga wa Mlimba na wanachama wengine saba wa chama hicho wamefikishwa katika Mahakama ya Hakimu Mkazi Morogoro baada ya kukamatwa na Jeshi la polisi mkosni humo.

Wabunge hao walikamatwa Jumatano iliyopita ya Februari 20, 2019 wakiwa Kijiji cha Sofi wilaya ya Malinyi na kukaa rumande siku 5 hadi leo Jumatatu Februari 25, 2019 wamefikishwa mahakamani.

Waliokamatwa kijiji cha Sofi ni pamoja na aliyekuwa mgombea kiti cha udiwani kata ya Sofi mwaka juzi katika uchaguzi mdogo, Liko Likomo pamoja na wanachama sita, wabunge wawili na kufanya idadi yao kuwa tisa." alisema Malisa. Malisa amesema bado haijafahamika wabunge hao na wenzao wana tuhuma gani na wanaendelea kufuatilia.