Muda mfupi kabla ya maadhimisho ya miaka 70 ya Jamhuri wa umma wa China, maafisa wa serikali ya HongKong wamepiga marufuku maandamano makubwa yaliyokuwa yafanyike katika jimbo hilo.

Zaidi ya hayo wanaharakati wawili wamekamatwa. Msemaji wa ushirika wa wenye kuandaa maandamano,"Civil Human Rights Front" anasema kamata kamata hiyo imelengwa kuwatisha waandamanaji.

Hata hivyo anasema hawatotishika. Mbali na maandamano hayo yaliyopigwa marufuku, wanaharakati wa vuguvugu la kudai demokrasia wanapanga kuitisha maandamano zaidi kesho Oktober mosi ,siku ya kuadhimisha miaka 70 ya jamhuri ya umma wa China.

Wadadisi wanaashiria wimbi jipya la mapambano kati ya waandamanaji na vikosi vya polisi.