DODOMA: Vijana pamoja na Kina mama mkoani Dodoma wametakiwa kujiamini pamoja na kufanya kazi kwa bidii na si kufanya kazi kwa mazoeaili kwenda sambamba na agenda ya Rais wa jamuhuri ya muungano wa Tanzania Dr.John Pombe Magufuli ya hapa kazi tu.

Hayo yameelezwa na Naibu Waziri Ofisi ya Rais TAMISEMI Mh. Selemani Jafo wakati akikabidhi hundi ya shilingi milioni 70 kwa ajili ya mikopo ya Vijana pamoja na Kina mama Mkoani Dodoma katika ukumbi wa Halmashauri ya manispaa mkoani hapa.

Mh. Jafo amevitaka vikundi vya vijana pamoja na kina mama pindi watakapo pata fedha hizo zilizotolewa kuzifanyia utekelezaji wa kufanya kazi kwa bidii na si kufanya kazi kwa mapambo na kwa mazoea ili kufikia malengo ambayo wamejiwekea katika vikundi vyao.

Pia amemtaka Mkurugenzi wa Manispaa ya Dodoma kuhakikisha fedha zilizotolewa zinafanyiwa kazi kama ilivyokusudiwa na kuzalisha kwa kiwango kikubwana si kupotea bure bila manufaa yoyote.

Hata hivyo Mh. Jafo amesema kuwa kutokana na Dodoma kupewa hadhi ya kuwa makao makuu hivyo Wananchi wake wanatakiwa kujipanga vizuri ili kuhakikisha wanafikia lengo pamoja na kwendasambamba na ajenda ya Rais Magufuli ya kufanya kazi kwa bidii.