GEITA: Katibu wa Umoja wa Wanawake wa Chama Cha Mapinduzi(UWT) wilaya ya Geita Angel Simwanza amewahamasisha wajasiriamali wanaojishughulisha na shughuli za mama lishe wilayani humo kushiriki kugombea na kupiga kura katika uchaguzi wa serikali za mitaa unaotarajiwa kufanyika novemba 24 mwaka huu.

Simwanza ametoa hamasa hiyo septemba19 akiwa katika ziara ya kutembelea wajasiriamali hao akiwa ameambatana na mbunge wa viti maalum mh Josephine Chagula na timu nzima ya wataalam wakufunzi wa ujasiriamali.

Amewataka kuwa na msimamo na kujisimamia kwenye maamuzi yao bila ya kuyumbishwa na mtu yoyote ili wawe mfano kwa akina baba na vijana kwa ujumla.

"Lengo na dhamira yetu wanawake ni kuchochea ushindi wa chama chetu,"alisema Simwanza.