MBARALI: Kaimu Katibu wa Umoja wa Wanawake Tanzania (UWT) wilaya ya Mbarali mkoani Mbeya Veronica Mwembezi amewasihi wanawake kuvunja makundi yaliyopo ili kujiweka tayari na kazi kubwa iliyopo mbele yao ya uchaguzi wa serikali za mitaa mwaka huu.

Akizungumza akiwa katika ziara kata ya Imalilo Songwe na Ubaruku amesema kuelekea uchaguzi huo kinachopaswa kuwepo ni umoja na mshikamano ili kuleta ushindi.

Ameahidi kufanya kazi na wanawake wote na kila mmoja kwa nafasi yake ili kuhakikisha UWT Mbarali inakuwa imara.

"Naomba makundi yaishe,mbele yetu tuna kazi kubwa, hapa kundi ninalolijua mimi ni la UWT Tanzania basi makundi mengine katika ofisi ya UWT hayana nafasi karibunii ofisinii tufanye kazi,"alisema katibu Veronica.