PWANI:JESHI la Polisi linamshikilia Ramadhan Habibu (23) kwa tuhuma za kumuua kwa kumchoma kisu Emmanuel Nasoro (26) wote wakazi wa Kijiji cha Vilabwa wilayani Kisarawe mkoani Pwani kutokana na ubishi kuhusu ukubwa wa makalio ya mwanamke waliyemwona.

Chanzo cha mauaji hayo ni Nasoro kumbishia mtuhumiwa kuwa mwananmke aliyepita wakiwa wamekaa kijiweni kuwa ana makalio makubwa. Akizungumza na waandishi wa habari ofi sini kwake mjini Kibaha, Kamanda wa Polisi mkoani Pwani, Jonathan Shanna alisema Nasoro alichomwa kisu kifuani.

Kwa mujibu wa Kamanda Shana tukio hilo lilitokea Kijijini hapo Septemba 26, mwaka huu wakati Nasoro na mtuhumiwa wakiwa kijiweni. “Baada ya mwanamke huyo kupita vijana hao walianza kumjadili huku Nasoro akisema kuwa dada huyo ana makalio makubwa, lakini mtuhumiwa alikuwa akimpinga akisema kuwa mbona ni wa kawaida tu na hana makalio makubwa,” alisema Shana.