Rais wa Marekani Donald Trump amesema atakuna na Rais wa Korea Kaskazini Kim Jong-un huko nchini Vietnam kuanzia Febrauri 27-28 mwaka huu.

Mipango ya mkutano huu wa pili imekuwa ikipangwa tangu mazungumzo ya historiakati ya viongozi hao mwaka jana kufanyika.

Mkutano wa Trump na Kim mnamo Juni mwaka jana huko Singapore ulikuwa wa kwanza kati ya rais anayehudumu wa Marekani na kiongozi wa Korea kaskazini.

Mnamo Jumanne usiku, Trump alisema: "Mateka wetu wamerudi nyumbani, majaribio ya nyuklia yamesitishwa na hakujakuwa na shambulio la makombora kwa miezi 15.

"Kama sikuchaguliwa rais wa Marekani, kwa maoni yangu tungekuwa katika vita vikubwa na Korea kaskazini hivi sasa.

"Bado kazi kubwa imesalia, lakini uhusiano wangu na Kim Jong-un ni mzuri."