Rais wa zamani wa Marekani Donald Trump ametangaza rasmi kuwa hivi karibuni anampango wa kuzindua Mtandao wake wa Kijamii ambao utakuja kuwa Mtandao bora Duniani kuliko Facebook na twitter.

Trump amechukua uwamuzi huu baada ya kufungiwa kutumia mitandao ya Facebook na Twitter mara baada ya kudaiwa kuruhusu wafuasi wake kuchochea vurugu katika Majengo ya Bunge la Marekani January 6, 2021.

Mtandao huo utaitwa TRUTH Social na utamilikiwa na Trump Media & Technology Group (TMTG) na unatarajiwa kuzinduliwa mwezi ujao ambapo kwa sasa tayari upo tayari Apple Store wameanza kuuweka hewani kwa baadhi ya Watu kwa pre - order.

Trump amesema "nimeamua kuanzisha TRUTH Social ili kupiga vita uonevu kwa wanaomiliki Mitandao, tunaishi kwenye Dunia ambayo Taliban wanatumia Twitter halafu Rais kipenzi cha Watu wa Marekani ananyamazishwa hii haiwezekani"