DODOMA: Spika Job Ndugai amesema anao uwezo wa kumzuia Mbunge wa Kigoma Mjini, Zitto Kabwe ambaye pia ni kiongozi wa chama cha ACT-Wazalendo) kuzungumza chochote Bungeni miaka yote ya Ubunge wake. .

"Nimwambie Zitto, una uwezo wa pambana na Spika kweli? Nina uwezo kukupiga marufuku kuongea humo mpaka miaka yako ikaisha, hakuna pakwenda, hakuna cha swali, hakuna cha nyongeza, hakuna cha kuongea chochote humo ndani ya Bunge utanifanya nini. Pambana na kitu kingine na siyo Ndugai", amesema Spika Ndugai.

Aidha Spika ameagiza tena Kamati ya Haki, Maadili na Madaraka ya Bunge, kumhoji Mbunge huyo kwa kuendelea kutoa kauli za kulidhalilisha Bunge.