Dodoma: Spika wa Bunge,la Jamhuri wa muungano wa Tanzania Job Ndugai amewataka wabunge kuwa makini na usalama wao mahali popote wanapokwenda kufuatia matukio mengi ya uhalifu kwa sasa nchini.

Ameyasema hayo muda mfupi leo kabla ya kuahirishwa kwa Bunge, Ndugai aliwataka wabunge kutokaa kwa muda mrefu kwenye mabaa. “Yaani tuchukue hatua tu katika maisha yetu kama mnavyosikia matukio ni mengi katika nchi yetu. Ni vizuri usalama unaanza na wewe mwenyewe kwanza,”amesema.

Ndugai amewatahadharisha wabunge ambao huwa hawarudi nyumbani mapema siku za kawaida warudi majumbani kwao mapema ili watumio muda mwingi kulea na familia zao “Kwa wale tuliozoea sana saa 7 ndio tunarudi nyumbani basi tuanze kurudi mapema kidogo. Lakini pia tuangalie usalama wa familia zetu na tuwaambie wapigakura naona siku hizi watoto wanapotea, watoto wanauawa,”amesema.

Amewataka wabunge kuwapelekea huo ujumbe kuwa wawe makini na watoto wao wakati wa kwenda shule na maeneo mengine kwa kuhakikisha wanajua mtu anayewapeleka shule na kuwachukua.