Mkuu wa Mkoa wa Dar es salaam Paul Makonda leo May 14 ,2019 ametembelea maeneo kadhaa ya jiji la Dar es salaam na kujionea jinsi mvua zilivyo athiri Nyumba na miundombinu ya wananchi wa mkoa huo huku akisema Serikali imeanza kufanya ukarabati wa miundombinu iliyoathiriwa na mvua zinazoendelea kunyesha ikiwemo madaraja, barabara, mito na mifereji.

Pia RC Makonda amewahahakikishia wananchi kuwa pesa ipo tayari kwa ajili ya kufanya ukarabati kwenye maeneo mbalimbali yakiwemo mto msimbazi wenye urefu wa KM 19 na eneo la Jangwani ambalo maboresho yake yatagharimu zaidi ya shilingi BILIONI 200 ikiwa ni mkopo kutoka Bank ya Dunia.