Las Vegas: Polisi nchini Marekani wanaendelea kutafuta sababu za msingi za Mtu mwenye silaha Stephen Paddock, 64, aliyefyatua risasi kutoka ghorofa ya 32 ya hoteli ya Mandalay Bay, kwenda kwa warsha moja ya mziki Jumapili usiku.

Hadi kufikia sasa Wachunguzi hawajapata uthibitisho wowote unaoleta uhusiano na ugaidi licha ya kundi la Islamic State (IS) kudai kuhusika.

Wapo Baadhi ya wachunguzi wamedai mtu huyo kuwa na matatizo ya kisaikolojia lakini hilo bado halijathibitishwa na vyombo husika.

Polisi walipata bunduki 23 kwenye chumba chake cha hoteli na zingine 19 na vilipuzi nyumbani kwake huko Nevada, mpaka sasa inaripotiwa kuwepo kwa vifo vya watu 59 na majeruhi wengine 527.

Mshambuliaji wa Las Vegas alijiua kabla ya polisi kufika katika eneo alipokua kwa mujibu wa Meya wa La Las Vegas.

Polisi walikuwa wanamshikilia Marilou Danley, mwanamke aliyekuwa anaaminiwa kusafiri na mshukiwa huyo lakini ameachiliwa huru baada ya kubainika kuwa hakuwa na uhusiano wowote.

Mamia ya watu waliokuwa katika tamasha hilo, walianza kutoroka na kukanyagana baada ya kuanza kusikia milio ya risasi huku wakionesha nyuso za wasiwasi na huzuni.