Mkuu wa Mkoa wa Kilimanjaro Anna Mnghwira, ameelezea masikitiko yake juu ya ajali ya moto iliyotokea mchana wa leo Mei 23, 2019, kwenye shule ya sekondari ya wasichana ya Ashira iliyopo Marangu mkoani Kilimanjaro.

''Shule ya Ashira ni miongoni mwa shule kongwe ambazo zipo kwenye mpango wa kufanyiwa marekebisho na niliitembelea hivi karibuni, lakini nasikitika leo imeungua upande wa mabweni." amesema RC Mnghwira

RC Mnghwira amesema bado hajapata tathmini kamili ya ajali, lakini Kamanda wa Polisi mkoani humo ambaye amewahi eneo la tukio, amemweleza kuna uwezekano mkubwa kuwa hakukuwa na mwanafunzi bwenini.

"Baadaye tutapata tathmini maana Kamanda yupo kule na RAS naye amekwenda'', ameeleza.

Mapema leo Mei 23, 2019, majira ya saa 6:00 mchana ulizuka moto shuleni hapo na kuunguza mabweni ya wanafunzi.