Shirika la habari la China Xinhua limeripoti kuwa rais wa China Xi Jinping amejiandaa kwenda nchi jirani ya Korea Kaskazini kwa mualiko wa kiongozi wa nchi hiyo Kim Jong Un.

Ziara ya Xi itafanyika kesho alhamisi na ijumaa ya June 20,2019 itakuwa ya kwanza ya kiongozi huyo wa China kwenda Korea Kaskazini tangu alipochaguliwa kuwa rais ingawa Kim Jong Un ameshakwenda China mara kadhaa.

China ambayo ni rafiki mkubwa wa Korea Kaskazini na mshirika wa kibiashara imechukua dhima muhimu katika mazungumzo kati ya Pyongyang na Washington yanayonuiwa kuishawishi Korea Kaskazini kuharibu silaha zake zote za Nyuklia.