Rais wa Urusi Vladmir Putin ametua mjini Rome nchini Italia kwa ziara inayojumuisha kufanya mazungumzo na kiongozi wa kanisa katoliki Duniani Papa Francis na serikali ya Italia ya siasa kali za kizalendo, ambayo imetoa wito wa kupunguzwa vikwazo licha ya mgogoro unaoendelea kwa sasa kati ya Urusi na nchi za Magharibi.

Mara tu baada ya kuwasili, Rais Putin aliekea moja kwa moja katika makao makuu ya Kanisa Katoliki ambapo alifanya mazungumzo ya faragha na Papa Francis.

Mkutano huo wa leo unakuja siku moja tu kabla ya Kiongozi huyo wa kanisa Katoliki kuwakaribisha viongozi wa Kanisa Katoliki la Kigiriki nchini Ukraine.

Waanaharakati wanaopigania kujitenga mashariki mwa Ukraine wengi wao ni Kanisa la Orthodox la Urusi, wakati wale wanaopigana nao ni wa Orthodox na Wakatoliki wa Ugiriki.

Ikulu ya Rais nchini Urusi inasema Putin tayajadili mahusiano ya Urusi na Umoja wa Ulaya, hali nchini Syria, Ukraine na Libya na mpango wa nyuklia wa Iran.