Rais John Pombe Magufuli amewataka wachezaji wa timu ya Taifa ya Tanzania Taif Stars kutokata tamaa katika mchezo wao ujao dhidi ya Kenya baada ya kufungwa goli mbili na timu ya taifa ya Senegal kwenye mashindano ya AFCON ,huku akisema kuwa wakishindwa taifa zima limeshindwa na wakishinda wote wameshinda.

“Makonda umesema unataka kwenda Misri, nakutuma nenda hata leo na kawaambie wachezaji wasikate tamaa kushinda kwao ndiyo ushindi wa Tanzania na hata wakishindwa pia tunashindwa wote kufungwa magoli mawili kusiwakatishe tamaa kwa sababu ni mwanzo siyo mbaya.

Aidha Rais Magufuli amemuagiza Mkuu wa Mkoa wa Dar es Salaa, Paul Makonda kwenda nchini Misri kwenye mashindano hayo na kuwatia moyo wachezaji wa Timu ya Taifa (Taifa Stars)

Rais Magufuli ametoa kauli hiyo leo Jumanne Juni 25, wakati akizindua mitambo ya gesi ya Kampuni ya Taifa Gas Ltd, jijini Dar es Salaam.

“Mwanzo wa Taifa Stars siyo mbaya, kwanza wamefungwa tugoli tuwili tu na timu kubwa kama ile yenye wachezaji wengi Ulaya, nina imani watafanya vizuri tuendelee kuwaombea na kuwashingilia, ” amesema Rais Magufuli.