Rais wa Tanzania, John Magufuli leo Alhamisi Agosti Mosi, 2019 ameshangaza wengi baada ya kuamua kupiga ‘push-up’ tisa kabla ya kuzindua jengo jipya la tatu la abiria katika Uwanja wa Ndege wa Kimataifa wa Julius Nyerere (JNIA) akionesha namna alivyo imara kuwahudumia watanzania.

Leo Rais Magufuli amerudia kupiga push Up ikiwa anatukumbusha Katika kampeni za uchaguzi mkuu mwaka 2015, ilikuwa ni kawaida kumshuhudia Rais Magufuli akipiga ‘push-up’ katika mikutano yake mbalimbali hali iliyotafsiriwa kuwa yuko imara kuwatumikia Watanzania na amerudia tena wakati akiongoza viongozi walioketi meza kuu kwenda kuwatunza waimbaji wa bendi ya Tanzania One Theatre (TOT).

Alipofika mbele ya wanenguaji wa bendi hiyo alisimama mbele yao kupiga ‘push-up’ tisa na kunyanyuka hali iliyoibua shangwe kwa waliohudhuria uzinduzi huo. Mmoja kati ya wanenguaji wa bendi hiyo alikuwa akipiga ‘push-up na huenda ndio aliyemkumbusha Magufuli jinsi alivyokuwa akizicharaza ‘push-up’ mwaka 2015.