Rais wa Jamhuri ya Muungano wa Tanzania John Pombe Magufuli ametengua uteuzi wa Mkurungezi wa Halimashauri ya wilaya ya Nyasa Mkoani Ruvuma Dkt Oscar Albano Mbyuzi na Kumteua Bw. Jonson Peter Mhagama kushika nafasi hiyo.

Uwamuzi huo wa Rais Maguufuli ameutoa leo April 9, 2019 mara baada ya tarehe 05 Aprili, 2019 kufanya ziara yake Mkoani Ruvuma na kuzindua Chuo cha Ufundi Stadi (VETA) kilichojengwa na Serikali ya Tanzania kwa gharama ya shilingi Bilioni 6.5 na ambacho kitakuwa na uwezo wa kutoa mafunzo kwa wanafunzi 600 wa kozi ndefu na fupi kwa mwaka.

Mhe. Rais Magufuli alielezea kutoridhishwa kwake na gharama kubwa zilizotumika ikilinganishwa na thamani ya majengo yaliyojengwa na ameitaka VETA na viongozi wote wa Serikali kutambua umuhimu wa kubana matumizi katika utekelezaji wa miradi ya maendeleo.