Dar es Salaam. Rais wa Tanzania, John Pombe Magufuli amemteua Dkt Amina Suleiman Msengwa kuwa Mwenyekiti wa Bodi ya Ofisi ya Taifa ya Takwimu (NBS).

Dk Msengwa ni Mhadhiri na Mkuu wa Idara ya Takwimu ya Chuo Kikuu cha Dar es Salaam (UDSM) nchini Tanzania.

Dk Msengwa amechukua nafasi iliyoachwa wazi na Andrew Massawe ambaye amemaliza muda wake.

Kwa mujibu wa Taarifa iliyotolewa leo Jumatano Septemba 25, 2019 na Katibu Mkuu Kiongozi nchini Tanzania, Balozi John Kijazi imeeleza uteuzi huo umeanza Septemba 19, 2019.