KENYA: Jaji mkuu nchini Kenya David Maraga ameuomya uongozi wa National Super Alliance (NASA) kwa kutoa matamshi dhidi ya Tume Huru ya Uchaguzi na Mipaka IEBC na idara ya mahakama nchini humo Kuwa inampango wa kumpendelea Uhuru kenyatta kwenye uchaguzi ujao.

Raila odinga akiogea dhidi ya IEBC

Maraga aliwaonya NASA kwa sababu ya matamshi yao wanayo endelea kutoa dhidi ya Tume Huru ya Uchaguzi na Mipaka (IEBC) na idara ya mahakama ya nchini kenya baada ya rufaa iliyo wasilishwa katika mahakama kuu ya Rufaa ikipinga maamuzi yaliyo tolewa na mahakama kuu ya nchini kenya.

Muungano wa NASA

Mahakama Kuu ilitoa uamuzi kuwa matokeo ya urais yanayotangazwa katika hatua ya jimbo la uchaguzi kuwa ni ya mwisho na hayawezi kubadilishwa katika makao makuu ya tume hiyo.Tume Huru ya Uchaguzi ilienda katika Mahakama ya Rufaa kupinga uamuzi huo wa mahakama kuu, ambao kwa kiasi kikubwa ulikuwa unaungwa mkono na NASA pamoja na vyama vingi vya upinzani nchini humo. Sasa NASA imetishia kususia uchaguzi Agosti 8 iwapo mahakama ya rufaa itabatilisha uamuzi huo

David Maraga

Maraga alisema "Sitajibu matamshi ya kiholela kutoka kwa wanasiasa wakati wa kipindi cha kampeni. Nataka Wakenya wawe na imani na idara ya mahakama kama taasisi huru na isiyo na ubaguzi,”