DODOMA: SERIKALI imesema kuwa kupitia Mifuko ya hifadhi ya Jamii ya NSSF na PPF inatarajia kujenga kiwanda kikubwa cha Sukari na hivyo vijana wengi watapata ajira.

Kauli hiyo imetolewa leo Bungeni Mjini Dodoma na Naibu Waziri wan chi Ofisi ya Waziri Mkuu,Sera,Bunge,kazi,vijana,ajira na walemavu,ATHONY MAVUNDE wakati akijibu swali la Mbunge wa Viti Maalum,SUZANE LYIMO.

Mbunge huyo alitaka kujua nini mkakati wa Serikali katika kuhakikisha vijana wanajiajiri wenyewe hususani katika kilimo kutokana na vijana wengi kusoma lakini hawana ajira na wanazagaa mtaani licha ya kuwepo kwa mapori makubwa ambayo yapo wazi.

Akijibu swali hilo MAVUNDE amefafanua kuwa lengo la Serikali ni kuhakikisha inawawezesha vijana kujiajiri kwa kuwawezesha kiuchumi.

Hata hivyo Naibu Waziri huyo amesema kuwa Serikali itakuwa inatoa kipaumbele cha ajira kwa wazawa pale inapotoa ajira.