Urusi: Mwanamke mmoja nchini Urusi ameauawa kwa kutafunwa na nguruwe wake aliokuwa anawafuga Mwenyewe baada ya kuanguka kwenye banda la wanyama hao wakati akiwapatia chakula.

Taarifa nchini Urusi,zinaripoti kuwa mwanamke huyo mwenye umri wa miaka 56 inasemekana ukuwa wakati akiwalisha nguruwe ndipo ghafla akaanguka na nguruwe hao wakamtafuna wakihisi ni sehemu ya chakula wanachopewa.

Wachunguzi wa mambo wamesema kuwa chanzo cha kuanguka kwake huenda ni baada ya kuzirai ama kupatwa na kifafa.

Tukio hilo limeripotiwa kwenye wilaya Malopurginsky jimboni Udmurtia, lililopo katikati ya Urusi

Vyombo vya habari vya urusi vinaarifu kuwa mume wa marehemu alikuwa amelala wakati mkewe alipokuwa akiwahudumia nguruwe hao. Bwana huyo inasemekana alikuwa mgonjwa.

Baada ya kuamka alianza kumtafuta mkewe na kukuta mwili wake ndani ya banda la nguruwe.

Baadae, familia yake ilikuta mabaki ya mwili wake kwenye banda la nguruwe huku sehemu kubwa ya mwili huo ikiwa imeshaliwa na wanyama hao.

Mamlaka za eneo hilo ziliripoti kuwa mmoja wa nguruwe hao hapo awali alishawahi kumng'ata marehemu lakini aliweza kujinasua.

Inataarifiwa kuwa alifariki baada ya kupoteza damu nyingi. Tayari upelelezi jwa polisi juu ya tukio hilo umeshafunguliwa.

Oktoba mwaka 2012 tukio kama hilo liliripoptiwa nchini Marekani katika jimbo la Oregon. Bwana Terry Vance Garner, aliyekuwa na miaka 69 wakati huo alienda kuwalisha nguruwe wake lakini hakurejea.