Mwanajeshi wa Urusi Ramil Shamsutdinov amewapiga risasi wanajeshi wenzake wanane na kuwajeruhi vibaya wengine wawili katika kambi ya kijeshi iliopo mashariki, kulingana na maafisa.

Shamsutdinov ambaye amekamatwa - huenda alikuwa akiugua tatizo la kiakili , wanasema.

Tukio hilo lilifanyika katika kitengo cha kijeshi nambari 54160 katika kijiji cha Gorny , sio mbali na mji wa Chita, siku ya Ijumaa jioni.

Wizara ya ulinzi mapema ilisema kwamba risasi zilifyatuliwa wakati wa kubadilishana zamu katika eneo la Transbaikal.

Bwana Shamsutdinov , kurutu, aliwaua maafisa wawili na wanajeshi wenzake sita.

Vyombo vya habari nchini Urusi vimeripoti kwamba mshukiwa huyo aliwalenga waathiriwa katika vichwa.