Dodoma: Jeshi la polisi mkoani Dodoma linamshikilia mwanafunzi wa chuo kikuu cha Dodoma (UDOM) Nelson Gaspa kwa kosa la kujiusisha na uuzaji wa madawa ya kulevya aina ya bangi misokoto 826 yenye uzito wa kilogramu 2.8 ambapo mtuhumiwa huyo amekuwa akifanya kazi hiyo takribani miaka minne tangu ajiunga na chuo hicho.

Hayo yamebainishwa na kamanda wa jeshi la polisi mkoa wa Dodoma lazaro Mambosasa wakati akizungumza na waandishi wa habari ofisini kwake.

katika tukio jingine Jeshi hilo linamshikilia bw,Masumbuko Elieza mkazi wa kijiji cha Zoisa kilichopo wilaya ya kongwa mkoani hapa kwa kosa la kulima bangi kwenye shamba la mahindi lenye ukubwa wa heka 6.5.

kamanda Mambosasa amewataka wananchi kuendelea kushirikiana na jeshi la polisi pamoja na kikosi kazi kilichoundwa na mkuu wa mkoa kwa kumuripoti yeyote anayejiusisha na bihashara hii alamu.