Kagera: Zaidi ya kaya 30 wilayani Muleba mkoani Kagera hazina makazi baada ya nyumba zao kuezuliwa na upepo ulioambatana na mvua ya mawe.

Mvua hiyo iliyonyesha jana Jumanne jioni imesababisha maafa katika Kata za Buganguzi, Kamachumu na Mubunda.

Licha ya nyumba kuezuliwa, mashamba ya migomba yameharibiwa vibaya sana.

Diwani wa Buganguzi, Fortunatus Mwebesa amesema tathmini ya uharibifu inaendelea kufanyika kwa kushirikiana na wataalamu kutoka ngazi ya wilaya.