BUNGENI DODOMA: Mbunge wa Singida Mashariki Miraji Mtaturu (CCM) amehoji ni lini Wilaya ya Ikungi itajengewa kituo cha Polisi kutokana na sasa kukosekana kwa kituo hicho.

Akiuliza swali la nyongeza novemba 11 bungeni,Mtaturu amedai kwamba Wilaya ya Ikungi imeanza mwaka 2013 lakini ina changamoto ya ukosefu wa kituo cha Polisi.

“Hivi tunavyoongea OCD anaishi kwenye maghala ya Mkoloni,na halmashauri tulishaanza ujenzi, Je ni lini serikali itamalizia jengo hilo maana limesimama kwa muda wa miaka mitatu sasa," amehoji Mtaturu.

Akijibu swali hilo Naibu Waziri wa Mambo ya Ndani ya Nchi Hamad Masauni amesema aliahidi kutembelea Wilaya hiyo ili wajadiliane na Mbunge jinsi ya kufanya.

“Mimi na wewe tulizungumza nje ya hapa,lakini tutaenda Jimboni kwake na moja ya mambo nitakayofanya ni kukitembelea kituo hicho halafu tushauriane tunafanya jambo gani,”amesema Masauni.