Mpaka sasa Virusi vya Corona vimewauwa zaidi ya watu 120,000 duniani kote, karibu asilimia 70 ya vifo hivyo vikiwa ni katika bara la Ulaya, kwa mujibu wa idadi iliyojumlishwa na shirika la habari la AFP leo.

Jumla ya vifo 120,013 vimerekodiwa tangu janga hilo kuzuka nchini China mwezi Desemba, 81,474 miongoni mwao ni katika bara la Ulaya.

Tarakimu hizo zimewekwa pamoja kwa kutumia data zilizokusanywa na shirika la habari la AFP kutoka mamlaka za serikali na taarifa kutoka shirika la afya duniani WHO.