Dar es Salaam. Maduka saba katika soko la Tegeta Nyuki Wilaya ya Kinondoni jijini Dar es Salaam yameteketea kwa moto leo asubuhi Februari 18, 2020.

Kamanda wa Polisi mkoa wa Kipolisi Kinondoni, Musa Taibu amesema moto huo ulianza majira ya saa 6 usiku na bado chanzo chake hakijafahamika.

“Ni kweli moto umeshika sehemu ya maduka na sio soko lote, vibanda saba vimeteketea. Baada ya kupata taarifa polisi kwa kushirikiana na Jeshi la Zimamoto na Uokoaji walifanikiwa kuuzima,” amesema.

Kamanda Taibu amesema uchunguzi umeanza kubaini chanzo na hasara iliyosababishwa na moto huo.

“Bado chanzo hakijafahamika, tunafanya uchunguzi kubaini. Hakuna mtu yeyote aliyepoteza maisha,” amesema.

Muakilishi imeongea na baadhi ya Wahanga wa moto huo. Juma Athuman ni mfanyabiashara wa eneo hilo amesema kuwa alipigiwa simu saa 7 usiku kuwa Maduka yao yanaungua na moto " baada ya kupata taarifa ile nilitamani kuruka kutoka mabibo mpaka tekegeta lakini sikuwa na Uwezo huo, nikampigia Jirani yangu mwenye usafiri ndio akanileta huku, lakini sikuwa na lakufanya kwani tayari maduka yalikuwa yameshaungua." Alisema mfanyabiashara huyo.