#BreakingNews Habari zilizotikisa Tanzania kwa muda mchache Jioni ya leo ni taarifa ya kifo cha Mkurugenzi wa Vipindi na Uzalishaji wa Clouds Media Group, Ndugu Ruge Mutahaba aliyefariki Jioni ya leo Jumanne ya Februari 26, 2019 nchini Afrika ya Kusini alipokuwa akipatiwa matibabu ya Figo.

katika taarifa ya awali aliyoitoa na Rais wa Jamhuri ya Muungano wa Tanzania Dkt John Magufuli jioni ;ya leo kupitia ukurasa wake wa Twitter, amesema kuwa anamkumbuka Kijana huyo kwa mchango wake mkubwa katika tasnia ya habari na Burudani, na juhudi za kujenga fikra za maendeleo nchini "Nimepokea kwa masikitiko taarifa za kifo cha kijana wangu Ruge Mutahaba. Daima nitamkumbuka kwa mchango wake mkubwa ktk tasnia ya habari, burudani, na juhudi za kujenga fikra za maendeleo kwa vijana. Poleni wanafamilia,ndugu,jamaa na marafiki. Mungu amweke mahali pema, Amina.

Muda mchache baada ya Taarifa kutolewa na Rais Magufuli Clouds Media Group na wao walitoa taarifa ya kutangaza kifo cha mfanyakzai na Muasisi wao wa chombo hicho Ruge Mutahaba "Tunasikitika kutangaza kifo cha Mkurugenzi wetu wa Vipindi na Uzalishaji Clouds Media Group, Ndugu Ruge Mutahaba. Ruge ametutoka leo huko Afrika ya Kusini alipokuwa akipatiwa matibabu. Mioyo yetu imejeruhiwa. Tutaendelea kuwapa taarifa zote kuhusiana na msiba huu mzito"

Ruge ameondoka akiwa ameacha watoto wawili Shubi na JuhJuh wote amezaa nao na Mwanamama Zamaradi Mketema